Um mig

Ég heiti Þórunn Sif og hef bloggað um snyrtivörur (og aðra hluti) hér síðan 2014.

Ég útskrifaðist sem förðunarfræðingur úr Mood Makeup School vorið 2012 og útskrifaðist sem tölvunarfræðingur frá Háskóla Íslands í júní 2017. Ég hef safnað snyrtivörum í langan tíma og byrjaði í upphafi að blogga því mér fannst umfjöllun um snyrtivörur á Íslandi ógagnsæ og misheiðarleg og ég stóð sjálfa mig að því að kaupa vörur sem höfðu fengið frábær meðmæli en útkoman var vonbrigði. Ég hef frá upphafi lagt upp með hreinskilni og heiðarleika að leiðarljósi og merki færslur sem innihalda gjafir/sýnishorn sérstaklega. Ég þigg ekki gjafir sem fylgja kvaðir um jákvæð ummæli/meðmæli né peningagreiðslur fyrir umfjallanir. Ég hef reynt að koma frá mér vönduðum færslum og reyni að fræða lesendur um vöruna sem um ræðir.

Ég er alltaf að bæta í snyrtivörusafnið og finnst gaman að fá ábendingar um vörur sem lesendur vilja lesa umsagnir um. Þið getið haft samband í gegnum samfélagsmiðlana sem sjást hér á síðunni, tölvupóstinn hér að neðan eða í gegnum síðuna sjálfa.

Ég tek líka að mér farðanir við öll tilefni! Endilega hafið samband fyrir bókanir eða nánari upplýsingar á thorunn.thorarins(hjá)gmail.com.

No Comments

Leave a Reply